ކޮންމެ ހަފުތާއަކު 65 އިންޗީގެ ސްމާޓް ޓީވީ އެއް ލިބޭ ހާއްސަ ޕްރޮމޯޝަނެއް ދިރާގުން ފަށައިފިއެވެ.

އެ ކުންފުނިން ވިދާޅުވީ މި ޕްރޮމޯޝަން ކުރިއަށްދާނީ އަންނަ ޖަނަވަރީ މަހުގެ ނިޔަލަށް ކަމަށެވެ. އަދި މި ޕްރޮމޯޝަންގައި ބައިވެރިވެވޭނީ ލިމިޓެއްނެތް 30އެމް ޕެކޭޖު ނުވަތަ އެއަށްވުރެ މަތީގެ ޕެކޭޖަކަށް އަޕްގްރޭޑްކޮށްފައިވާ ކަސްޓަމަރުންނަށް ކަމަށް ވެސް ވިދާޅުވެފައި ވެއެވެ.

މީގެއިތުރުން އެ ކުންފުނީގެ ހިދުމަތް މިހާރު ބޭނުންކުރަމުން އަންނަ ކަސްޓަމަރުންނަަށާއި އަލަށް ގުޅޭ ފައިބަރ ބްރޯޑްބޭންޑް ކަސްޓަމަރުންގެ ތެރެއިން ޝަރުތު ހަމަވާ ހުރިހައި ފަރާތްތައް އެ ގުރުއަތުގައި އޮޓޮމެޓިކުން ބައިވެރިކުރެވޭނެ ކަމަށް ވެސް ވިދާޅުވެއެވެ.

"މި ޕްރޮމޯޝަންގެ ކޮންމެ ނަސީބުވެރި ފަރާތަކަށް އިނާމެއްގެ ގޮތުގައި 65 އިންޗީގެ ސްކައިވޯތު – ޔޫއެޗްޑީ 4ކޭ ސްމާޓް ޓީވީއެއް ލިބޭނެ."

ދިރާގުގެ ލިމިޓެއްނެތް ޕެކޭޖުތަކަކީ ކަސްޓަމަރުންގެ ޑިޖިޓަލް ދިރިއުޅުމަށް ފެތޭ، ލިމިޓެއްނެތި ސްޓްރީމްކޮށް، ގޭމް ކުޅެ އަދި ބްރައުސްކުރުމަށް އެންމެ ފުރިހަމަ ޕެކޭޖުތަކެކެވެ. އެގޮތުން އެ ތަފާތު ޕެކޭޖުތައް މެދުވެރިކޮށް ދިރާގު ކަސްޓަމަރުންނަށް ކުރިއަށްވުރެ ރަނގަޅު ފެންވަރުގެ އިންޓަރނެޓް ހިދުމަތް އެކި ސްޕީޑްތަކާއި ހުސްނުވާ ޑޭޓާ އެލަވަންސްތަކާއެކު ލިބޭނެއެވެ.