މާލޭގެ ކާރޫބާރު ބޮޑު ބައެއް މަގުތަކުގައި ގަވާއިދާ ހިލާފަށް ޕާކްކޮށްފައި ހުންނަ އުޅަނދުތައް ޓޯވ ކުރަން ނިންމާފައިވާ ކަމަށް ދިވެހި ފުުލުހުންގެ ހިދުމަތުން ވިދާޅުވެއްޖެއެވެ.

އެ އިދާރާ އިން ނެރުއްވާފައިވާ ބަޔާނެއްގައި ވަނީ ބޮޑުތަކުރުފާނު މަގާއި އަމީނީ މަގާއި މަޖީދީ މަގާއި އޯކިޑު މަގާއި އަމީރު އަހްމަދު މަގު އަދި ސޯސަން މަގުގައި އާންމު ދަތުރުފަތުރާއި ޕަބްލިކް ޓްރާންސްޕޯޓަށް ދަތިވާގޮތަށް ގަވައިދާ ހިލާފަށް އުޅަނދުތައް ޕާކުކޮށްފައި ހުންނަކަމަށެވެ.

އެހެންކަމުން އެފަދަ އުޅަނދުތައް ޓޯވ ކުރަމުން ގެންދާނެކަމަށް ފުލުހުން ވަނީ ވިދާޅުވެފައެވެ.

މާލޭގެ މަގުތަކުގެ ސަލާމަތާއި ރައްކާތެރިކަން ކަށަވަރުކޮށް، މަގުތައް ތަރުތީބު ކުރުމަށް ފުލުހުން ކުރަމުންދާ މަސައްކަތަށް އާންމުރައްޔިތުން ދެމުންދާ އެއްބާރުުލުމަށް ވަނީ ޝުކުރުއަދާކޮށްފައެވެ.

މާލޭގެ ކާރޫބާރު ބޮޑު ބައެއް މަގުތަކުގައި ގަވާއިދާ ހިލާފަށް ޕާކްކޮށްފައި ހުންނަ އުޅަނދުތައް ޓޯވ ކުރުމާގުޅޭ pic.twitter.com/F41NQq7DbM

— Maldives Police (@PoliceMv) December 19, 2024

ގަވާއިދާ ހިލާފަށް ޕާކްކޮށްފައި ހުންނަ އުޅަނދުތައް ޓޯވ ކުރުމުގެ މަސައްކަތް މީގެކުރީން ވެސް ދިޔައީ ކުރަމުންނެވެ. ނަމަވެސް ޕާކު ކުރާނެ ޖާގަ ތަނަވަސްކޮށްދިނުމަށްފަހު ނޫނީ ސްޓިކަރ ޖަހައި، ޓޯވ ނުކުރާނެ ކަަމަށް ރައީސް ޑރ މުޙައްމަދު މުޢިއްޒު ވިދާޅުވެފައި ވެއެވެ.