ކޮޅުމަޑުލު ވޭމަންޑޫގައި ސްޓްރީޓް ސޮކަރ (ކުޑަގޯލު މުބާރާތެއް) މުބާރާތެއް ފަށައިފިއެވެ.

'އެފްއާރްސީ ސޮކަރ ޓޯނަމެންޓް' ގެ ނަމުގައި މި މުބާރާތް ފެށީ ޑިސެމްބަރ 19 ވަނަ ދުވަހުގެ ރެއެެވެ.

މި މުބާރާތާއި ގުޅޭ މައުލޫމާތުު 'އޮއިވަރު' އަށް ހިއްސާ ކުރައްވަމުން އޮގަނައިޒިންގ ޓީމުގެ އޮފިޝަލަކު ވިދާޅުވީ މިއީ ޒުވާނުންނަށް އަމާޒުކޮށްގެން ފެށި މުބާރާތެއް ކަމަށެވެ. ނަމަވެސް ހުރިހައި އުމުރުފުރާއެއްގެ މީހުން ހިމެނޭ ޓީމުތައް ބައިވެރިވެފައިވާ ކަމަށް ވިދާޅުވިއެވެ.

"އަޅުގަނޑުމެން މުބާރާތް އަމާޒުކުރީ ޒުވާނުންނަށް. އެކަމަކު ހުރިހާ އުމުރެއްގެ މީހުން ވެސް އެތަތިބި ޓީމުތަކުގަ."

އޮފިޝަލް އިތުރަށް ވިދާޅުވީ މިއަހަރުގެ މުބާރާތުގައި ޖުމްލަ 6 ޓީމު ބައިވެރިވެފައިވާ ކަމަށާއި މުބާރާތް ކުރިއަށްދާނީ ދެ ގުރޫޕަށް ބަހާލައިގެން ކަމަށެވެ.

މުބާރާތް ހުޅުވުމުގެ ގޮތުން ޑިސެމްބަރ 19 ވަނަ ދުވަހުގެ ރޭ ވަނީ ދެ މެޗު ކުޅެފައެވެ. އެގޮތުން ފުރަތަމަ މެޗުގައި ބައްދަލުކުރީ އެފްސީ ފޮލާ އާއި އެފްސީ ނަސްރު އެވެ. މި މެޗު 0-1 ލަނޑުން ކާމިޔާބުކުރީ އެފްސީ ފޮލާއެވެ. މޮޅުކުޅުންތެރިއަކަށް ހޮވުނީ އެފްސީ ފޮލާގެ ހައްސާން އަފީފުއެވެ.

ދެވަނަ މެޗުގައި އެގފްސީ ރޮޑާލި ޖޫނިއަރ އާއި އެފްސީ ރޮޑާލި ސީނިއަރ ބައްދަލުކުރި މެޗު 0-4 ލަނޑުން ކާމިޔާބުކުރީ އެފްސީ ރޮޑާލި ޖޫނިއަރ އެވެ. މި މެޗުގެ މޭން އޮފް ދަ މެޗުގެ މަގާމަށް ހޮވުނީ ރޮޑާލި ޖޫނިއަރ ގެ މަބްރޫކް އެވެ.

މި މުބާރާތް ޝަރަފްވެރިކޮށްދެއްވައި، ފުރަތަމަ ދެ މެޗުގެ މޭން އޮފް ދަ މެޗުގެ މަގާމަށް ހޮވުނު ފަރާތްތަކަށް އިނާމު ހަވާލުކޮށްދެއްވީ މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމެންޓުގެ ސީނިއަރ ޕޮލިޓިކަލް ޑިރެކްޓަރ މުޙައްމަދު ނަސީހު އެވެ.

މި މުބާރާތުގެ މެއިން ސްޕޮންސަރ އަކަށް ފޮލާ އެކްސެލެންސް ހަމަޖައްސާފައިވާއިރު، ކޯ-ސްޕޮންސަރއަކީ ރިލެކްސް ފެރީ ސަރވިސްއެވެ.