ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) ގެ ޑެޕިއުޓީ ސީއީއޯ މަގާމު އުވާލައި، އެމަގާމުގައި ހުރި ޝިއުނާ އަހްމަދު ވަކިކޮށްފިއެވެ.

އެ މަގާމު އުވައިލާ، ޝިއުނާ އެ މަގާމުން ވަކިކޮށް ވަކިކޮށްފައި މިވަނީ އެންސްޕާ ހިންގުމަށް ކުއްޔަށް ނަގާފައިވާ އިމާރާތުގެ ދެ ފަންގިފިލާ މޯލްޑިވްސް މީޑިއާ ހައުސް ޕްރައިވެޓް ލިމިޓެޑަށް ކުއްޔަށް ދިނުމާ ގުޅޭ ކޮރަޕްޝަންގެ ތުހުމަތު އަމާޒުވެފައިވާ ދަނޑިވަޅެއްގައެވެ.

މި މައްސަލަ މިހާރުގެންދަނީ އެންޓި ކޮރަޕްޝަން ކޮމިޝަން (އޭސީސީ) އިން ވެސް ތަހުގީގު ކުރަމުންނެވެ.

އެންސްޕާއިން ނެރުނު ބަޔާނެއްގައި ބުނެފައިވަނީ އެ އޭޖެންސީ ހިންގަމުންދާ މޫކައި ސުއިޓްސް އިމާރާތް މަރާމާތު ކުރުމަށްޓަކައި ހުސްކުރުމަށް އަންގައިފައިވާ ކަމަށެވެ. އަދި އެ އޭޖެންސީ ހިންގާނެ ތަނެއް ހޯދުމަށް ފިނޭންސް މިނިސްޓްރީގެ އޯޕަން ޓެންޑަރ އިން ހުޅުވާލައިގެން، އެކަމާ ގުޅުންހުރި ގަވައިދުތަކާއި އުސޫލުތަކުގެ މަތިން އެމްއެމްޓީވީ އަށް އިމާރާތުގެ ފަންގިފިލާތަކެއް ކުއްޔަށް ދިން ކަމަށެވެ.