ބިންވެރިޔާ ސްކީމާއިގުޅޭ މައްސަލައިގާ އިތުރު 4 މީހެއްގެ ޕާސްޕޯޓު ހިފަހައްޓައިފިއެވެ.

އެ ސްކީމުގައި ނަން ނެތް ބަޔަކަށް ގޯތި ދީފައިވާ މައްސަލައިގާ ޕާސްޕޯޓު ހިފަހައްޓާފައިވަނީ ހައުސިންގ މިނިސްޓްރީގެ ކުރީގެ ސްޓޭޓް މިނިސްޓަރު އަކްރަމް ކަމާލުއްދީނާއި ހައުސިންގ މިނިސްޓްރީގެ ސީނިއަރ އެގްޒެކެޓިވް ޑިރެކްޓަރު މުޙައްމަދު އާރިފް، ހައުސިންގ މިނިސްޓްރީގެ ކުރީގެ ޑިރެކްޓަރ ޖެނެރަލް އަހްމަދު ވިޝާން ނަސީމް އަދި ހައުސިންގ މިނިސްޓްރީގެ ކުރީގެ ޑިރެކްޓަރ ޖެނެރަލް ލިރުޣާމް ވަހީދުއެވެ.

އެފަރާތްތަކުގެ ޕާސްޕޯޓު ހިފަހައްޓާފައިވަނީ ބިންވެރިޔާ ސްކީމުގެ ލިސްޓުގައި ނެތް ބަޔަކަށް އެ ސްކީމުން ގޯތި ދީފައިވާ މައްސަލާގައި އޭސީސީން ކުރިއަށްގެންދާ ތަހުގީގާއި ގުޅިގެންނެވެ.

މި މައްސަލައިގާ އެޗްޑީސީގެ މެނޭޖިންގ ޑިރެކްޓަރު އިބްރާހީމް ފަޒުލް ރަޝީދާއި އެމްޑަބްލިޔުއެސްސީގެ ޑެޕިއުޓީ މެނޭޖިންގ ޑިރެކްޓަރު މުހައްމަދު ފަޒީލް ރަޝީދު ހިމެނޭ ގޮތަށް 20 މީހެއްގެ ޕާސްޕޯޓު ހިފަހައްޓަން މީގެކުރިން ވަނީ އަމުރު ނެރެފައެވެ.