ކޮޅުމަޑުލު ވޭމަންޑޫގައި މިހާރުކުރިއަށްދާ 'އެފްއާރްސީ ސޮކަރ ޓޯނަމެންޓް' ގައި މިރޭ ކުޅުނު ދެ މެޗުވެސް އެއްވަރުވެގެން ނިމިއްޖެއެވެ.

ޑިސެމްބަރ 19 ވަނަ ދުވަހުގެ ރޭ ފެށި މި މުބާރާތުގައި މިރޭގެ އެއް މެޗުގައި ރޮޑާލި ޖޫނިއަރ އާއި އޮޑި ބައްދަލުކުރި މެޗު ނިމުނީ އެއްވެސް ޓީމަކަށް ލަނޑެއް ނުޖެހިއެވެ. މި މެޗުިގެ މޮޅު ކުޅުނތެރިޔާގެ މަގާމަށް ހޮވުނީ ރޮޑާލި ޖޫނިއަރ ގެ މަބްރޫކް އެވެ.

ދެވަނަ މެޗު ވެސް ނިމުނީ އެއްވެސް ޓީމަކަށް ލަނޑެއް ނުޖެހިއެވެ. އެފްސީ ފޮލާ އާއި ވީކޭ އޮރިޖިނަލް ބައްދަލުކުރި މި މެޗުގެ މޭން އޮފް ދަ މެޗުގެ މަގާމަށް ހޮވުނީ ނަދީމް އަޙްމަދުއެވެ.

މި މުބާރާތަކީ ޒުވާނުންނަށް އަމާޒުކޮށްގެން، އެހެންނަމަވެސް ހުރިހައި އުމުރުފުރާއަކަށް ބައިވެރިވުމުގެ ފުރުސަތު ހުޅުވައިލައިގެން ކުރިއަށްގެންދާ މުބާރާތެކެވެ.

މިއަހަރުގެ މުބާރާތުގައި ޖުމްލަ 6 ޓީމު ބައިވެރިވެފައިވާއިރު، މުބާރާތް ކުރިއަށްދަނީ ދެ ގްރޫޕަށް ބަހާލައިގެން ކޮންމެ ގުރޫޕަކުން ވެސް އެންމެގިނަ ޕޮއިންޓީ ހޯދާ ދެ ޓީމު ސެމީ ފައިނަަލަށް ދާ ގޮތަށެވެ.

މާދަމާ ރޭ ވެސް ދެ މެޗު ކުޅުމަށް ވަނީ ތާވަލުކޮށްފައެވެ. ފުރަތަމަ މެޗުގައި އެފްސީ ނަސްރު އާއި ވީކޭ އޮރިޖިނަލް ވާދަކުރާއިރު، ދެވަނަ މެޗުގައި ބައްދަލުކުރާނީ ރޮޑާލި ޖޫނިއަރ އަދި އޮޑި އެވެ. މިއީ ގްރޫޕު ސްޓޭޖުގެ ފަހު މެޗުތަކެވެ.

މި މުބާރާތުގެ މެއިން ސްޕޮންސަރ އަކަށް ފޮލާ އެކްސެލެންސް ހަމަޖައްސާފައިވާއިރު، ކޯ-ސްޕޮންސަރއަކީ ރިލެކްސް ފެރީ ސަރވިސްއެވެ.