މިހާރު ރާއްޖެއަށް ކުރަމުން މިދާ ވިއްސާރައިގާ ފާއިތުވީ 24 ގަޑިއިރު އެންމެ ގިނައިން ވާރޭވެހިފައިވަނީ މާލެއަށް ކަމަށް މެޓް އޮފީހުން ހާމަކޮށްފިއެވެ.

އެ އޮފީހުން ހާމަކޮށްފައިވާގޮތުގައި މާލެއަށް ވަނީ 136.5 މިލިމީޓަރުގެ ވާރޭ ވެހިފައެވެ. އަދި ހުޅުލެއަށް 117.4 މިލިމީޓަރުގެ ވާރޭ ވެހިފައިވާއިރު، ދެން އެންމެގިނައިން ވާރޭ ވެހުނީ ބ. ދަރަވަންދޫއަށެވެ. އެއީ 111.5 މިލިމީޓަރުގެ ވާރޭއެވެ.

މެޓް އޮފީހުން ހާމަކޮށްފައިވާ ގޮތުގައި މިއީ ރާއްޖެއާ ކައިރި ދެ ސަރަހައްދެއްގައި އުފެދިފައިވާ ކޮޅިގަނޑެއްގެ ސަބަބުން މޫސުން ގޯސްވެ، ކުރަމުންދާ ވިއްސާރައެކެވެ.

ވިއްސާރަ އަލިވާނެ ކަމަށް ލަފާކޮށްފައިވަނީ މި ހަފުތާގެ ހޯމަ ދުވަހުއެވެ.