ހިޔާނާތްތެރިވެފައިވާ ފަރާތްތަކާ ގާނޫނީ އިމުގެ ތެރެއިން ހައްގު އަދަބު ދިނުމަށް ޓްރާންސްޕޭރެންސީ މޯލްޑިވްސް އިން ގޮވާލައިފިއެވެ.

އެފަރާތުން މިހެން ގޮވާލީ އެމްޑީޕީ ސަރުކާރުގެ ބިންވެރިޔާ ސްކީމުން ގޯތި ނުލިބޭ ފަރާތްތަކަކަށް ގޯތި ލިބިފައިވާކަން ލިބިފައިވާކަމަށް ބުނަމުންދާ މައްސަލައިގައެވެ.

ޓްރާންސްޕޭރަންސީން ނެރުނު ބަޔާނެއްގައި ވަނީ ރައްޔިތުންގެ ހައްގު ގެއްލޭ ފަދަ ހިޔާނާތާއި ކޮރަޕްޝަނުގެ މައްސަލަތައް މިނިވަންކަމާއި ފުރިހަމަކަމާއި ހާމަކަން ބޮޑު ގޮތެއްގައިި ތަހުގީގުކޮށް، އާންމުންގެ އިތުބާރު ދެމެހެއްޓުމަށް ޖިނާއީ އިޖުރާތްތައް ދެމެހެއްޓުމަށް ވެސް ގޮވައިލާފައެވެ.

އެ ބަޔާނުގައި ދައުލަތުގެ އިސް މަގާމުތަކުގައި ތިބޭ ފަރާތްތަކުގެ މެދުގައި މަސްލަހަތު ފުށުއެރުމުގެ މައްސަލަަތަކަކީ ކޮރަޕްޝަންގެ މައްސަލަތަކުގައި ވަރަށް އާންމުކޮށް ފާހަގަވާ ކަމެއް ކަމުގައި ވަނީ ބުނެފައެވެ. އެހެންވެ، މަސްލަހަތު ފުށުއަރާ ފަދަ މައްސަލަތައް ހައްލުކުރަން ހަރުދަނާ ނިޒާމެއް ގާއިމު ކުރެވިފައި ހުރުމަކީ މުހިންމު ކަމެއް ކަމުގައި ބުނެފައި ވެއެވެ.

އެ ބަޔާނުގައި ރައްޔިތުންގެ އިތުބާރު ދައުލަތަށް ހޯދުމަށާއި ކޮރަޕްޝަނަށް ހުށަހެޅޭ ގޮތަށް ހުރި ނިޒާމީ ގޮންޖެހުންތަކަށް ހައްލު ގެނައުމަށް މައިގަނޑު 7 ފިޔަވަޅެއް އެޅުމަށް ސަރުކާރަށް ގޮވާލާފައެވެ. 

ނޫސްބަޔާން: "ބިންވެރިޔާ" ސްކީމްގެ ދަށުން ގޯތި ދޫކުރުމުގައި ކޮރަޕްޝަންގެ އަމަލުތަކެއް ހިންގާފައިވާ ކަމަށް ތުހުމަތުކުރެވޭ މައްސަލަ އިންސާފުވެރި، މިނިވަން ތަހުގީގެއް ހިންގުމަށް ގޮވާލުން pic.twitter.com/kyWRefhHtR

— Transparency MV (@TransparencyMV) December 20, 2024