ބޯކޮށް ވާރޭ ވެހި މާލޭގައި ފެން ބޮޑޫވުމުގެ ސަބަބުން މިހައިތަނަށް 8 ގޭބިސީއެއްގެ 32 މީހަަކަށް ވަގުތީ ބޯހިޔާވަހިކަން ފޯރުކޮށްދީފައިވާ ކަަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއޭ) އިން ހާމަކުރައްވައިފިއެވެ.

އެ އޮތޯރިޓީން 'އެކްސް' ގައި ހާމަކުރައްވާފައިވާ ތަފާސްހިސާބަށް ބަލާއިރު، އެ އޮތޯރިޓީ އާއި އެމްއެންޑީއެފް އާއި ފުލުހުން އަދި ދިވެހި ރެޑްރެސެންޓުގެ ހޮޓްލައިންތަކަށް ވަނީ 101 އެއް ކޯލް ލިބިފައެވެ.

ވަގުތީ ބޯހިޔާވެހިކަން ހަމަޖެއްސާފައިވަނީި އެފަރާތްތަކަށް ކައްކާ ކައިބޮއެ ހެދޭނެ އިންތިޒާމު ނެތުމުން ކަމަށެވެ. އަދި ނިދާ، ފާޚާނާ ކުރެވޭނެ ގޮތެއް ނެތުމާއި ވަގުތީ ގޮތުން އެތަންތަނުގައި ދިރިއުޅެވޭނެ ހާލަތެއް ނެތުމުން ކަމަށެވެ.

"އެ ފަރާތްތަކަށް ވަގުތީ ބޯހިޔާވަހިކަން ހަމަޖައްސައިދީފައިވަނީ އެއް ދުވަހުގެ މުއްދަތަކަށް."

އެންޑީއެމްއޭ އިން އިތުރަށް ވިދާޅުވީ ފެންވަނުން ކޮންޓްރޯލްކުރުމަށް މާލެ ސިިޓީ ކައުންސިލާއި ސިފައިން އަދި މިނިސްޓްރީ އޮފް ސިޓީސް ލޯކަލް ގަވަރމެންޓް އެންޑް ޕަބްލިކް ވޯކްސްގެ އެހީތެރިކަމާއި އެކު 47 ތަނެއްގައި 229 ވެލިބަސްތާ ޖެހިފައިވާ ކަމަށެވެ. އޭގެތެރޭގައި ގޭބިސީތަކާއި ފިހާރަ އަދި ގުދަންތައް ހިމެނޭ ކަމަށް ވިދާޅުވެއެވެ. 

<blockquote class="twitter-tweet"><p lang="dv" dir="rtl">2024 ޑިސެންބަރު 21 ވަނަ ދުވަހު ކުރި ވިއްސާރާގައި މާލޭގައި ފެންބޮޑުވުމުގެ ހާދިސާގެ އަދާ ހަމަ! <a href="https://t.co/NI0gjzyx9k">pic.twitter.com/NI0gjzyx9k</a></p>&mdash; NDMA Maldives (@NDMAmv) <a href="https://twitter.com/NDMAmv/status/1870397511804059754?ref_src=twsrc%5Etfw">December 21, 2024</a></blockquote> <script async src="https://platform.twitter.com/widgets.js" charset="utf-8"></script>