ވޭމަންޑޫގައި މިހާރުކުރިއަށްދާ އެފްއާރްސީ ސޮކަރ ޓޯނަމެންޓުގެ ސެމީފައިނަލުގެ މެޗުތައް މިރޭ ކުޅޭނެއެވެ.

ސެމީގެ ފުރަތަމަ މެޗުގައި މިރޭ 8 ޖަހާއިރު ބައްދަލުކުރާނީ އެފްސީ ފޮލާ އާއި އޮޑި ޓީމެވެ. ދެވަނަ މެޗުގައި ބައްދަލުކުރާނީ ރޮނޑާލި ޖޫނިއަރ އާއި ވީކޭ އޮރިޖިނަލް އެވެ. މި މެޗު ފެށުމަށް ތާވަލުކޮށްފައިވަނީ 9 ޖަހާއިރުއެވެ.

މިއީ އެރަށުގެ ޒުވާނުންނަށް އަމާޒުކޮށް ހުޅުވައިލި މި މުބާތުގައި ހުރިހައި އުމުރުފުރާއެއްގެ ޓީމުތައް ބައިވެރިވެފައިވާއިރު، ޖުމްލަ 6 ޓީމެއް ދަނީ ވާދަކުރަމުންނެވެ. އަދި ސެމީފައިނަލަށް ދިޔައީ މި ޓީމުތައް ދެ ގްރޫޕަށް ބަހާލައި، ކޮންމެ ގުރޫޕަކުން ވެސް އެންމެގިނަ ޕޮއިންޓީ ހޯދި ދެ ޓީމެވެ.

ޑިސެމްބަރ 24 ވަނަ ދުވަހުގެ ރޭ ފައިނަލް މެޗު ކުޅޭ މި މުބާރާތުގެ މެއިން ސްޕޮންސަރ އަކަށް ފޮލާ އެކްސެލެންސް ހަމަޖައްސާފައިވާއިރު، ކޯ-ސްޕޮންސަރއަކީ ރިލެކްސް ފެރީ ސަރވިސްއެވެ.