ޕަބްލިކް ސަރވިސް މީޑީއާ (ޕީއެސްއެމް) ގެ މެނޭޖިންގ ޑިރެކްޓަރުގެ މަގާމަށް އިބްރާހީމް ނަސްރީން އައްޔަންކޮށްފިއެވެ.

އެމްޑީގެ މަގާމަށް އައްޔަންކުރެއްވުމާއި ހަމަައަށް އޭނާ ހުންނެވީ އެ ކުންފުނީގެ ސޭލްސް އެންޑް މާކެޓިންގ ޑިރެކްޓަރުގެ މަގާމުގައެވެ.

ޕީއެސްއެމްގައި ހިދުމަތް ކުރައްވާތާ 9 އަހަރަށް ވުރެ ގިނަ ދުވަސް ވެފައިވާ ނަސްރީނަކީ ގައުމީ ޔުނިވަރސިޓީއާއި މެޕްސް ކޮލެޖް އަދި ސައިރިކްސް ކޮލެޖުގައި ލެކްޗަރަރއެއްގެ ގޮތުގައި މަސައްކަތް ކުރައްވާފައިވާ ބޭފުޅެކެވެ.

ނަސްރީން ވަނީ މެލޭޝިއާގެ ލިމްކޮކް ޔުނިވަރސިޓީން ބެޗްލަރސް ޑިގްރީ ހާސިލުކުރައްވައި، ތައިލެންޑުގެ ކޮލެޖް އޮފް އިނޮވޭޝަން އެޓް ތަމަސަޓް ޔުނިވަރސިޓީން ސަރވިސް އިނޮވޭޝަންގެ ދާއިރާއިން މާސްޓަރސް ޑިގްރީ ހާސިލުކުރައްވާފައެވެ.

ޕީއެސްއެމްގެ މެނޭޖިންގ ޑިރެކްޓަރ އެމްޑީގެ މަގާމު ހުސްވީ، އެ މަގާމުގައި ހުންނެވި މުހައްމަދު ސައީދު އިސްތިއުފާ ދެއްވުމުންނެވެ. އޭނާ އިސްތިއުފާ ދެއްވާފައިވަނީ ސިއްހީ ހާލަތު ތަންނުދޭތީއެވެ.