މޯލްޑިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓުއަރ އޮޕަރޭޓަރސް (މަޓާޓޯ) ގެ އަހަރީ އާންމު ޖަލްސާ ޖަނަވަރީ 8 ގައި ބާއްވަން ނިންމައިފިއެވެ.

އެ ކުންފުނިން ނެރުއްވާފައިވާ ނޯޓިސްއެއްގައި ވަނީ މި ޖަލްސާގައި ކުރިއަށް އޮތް ދެ އަހަރަށް މަޓާޓޯގެ އެކްޒެކެޓިވް ބޯޑު މެމްބަރުކަމަށް މެމްބަރުން ހޮވުން އޮންނާނެ ކަމަށެވެ.

އެގޮތުން މަޓާޓޯގެ ރައީސް އާއި ދެ ނައިބު ރައީސުންނާއި ސެކްރެޓަރީ ޖެނެރަލް އާއި ޓްރެޝަރަރ އަދި އާންމު ފަސް މެމްބަރުން ހޮވުމަށް ވަނީ ނިންމާފައެވެ.

މި ޖަލްސާ އަށް މަޓާޓޯގެ ހުރިހައި މެމްބަރުންނަށް ދައުވަތު ދީފައިވާއިރު، އެ ޖަލްސާ އަށް ވަޑައިގަނެވޭނީ ކުރިން ރެޖިސްޓްރީކުރާ ފަރާތްތަކަށް ކަމަށް އެ ނޯޓިސްގައި ވެއެވެ. އަދި އެ ކުންފުނީގެ އާންމު ހުރިހައި މެމްބަރުންނަށް ވެސް ވޯޓު ދިނުމުގެ ހައްގު ލިބިގެންވާކަމަށް ވެސް ވަނީ ބަޔާންކޮށްފައެވެ.

ވޯޓުލުމަށް ބޭނުންވާ މެމްބަރުން ރަޖިސްޓްރީވުމުގެ ސުންގަޑިއަކީ ޖަނަވަރީ މަހުގެ 5 ވަނަ ދުވަހުގެ ރޭ 11:59 ކަމަށާއި ޖަލްސާ ބާއްވާނެ ތަނާއި ގަޑި ވެސް އެ ތާރީހުގައި އިއުލާންކުރާނެ ކަަމަށް ނޯޓިސްގައި ވަނީ ބުނެފައެވެ. އަދި ސުންގަޑީގެ ފަހުން ފޮނުވާ އެޕްލިކޭޝަންތައް ބަލައިނުގަންނާނެ ކަމަށް ވެސް ބުނެގފައި ވެއެވެ.

ވޯޓުލުމުގެ ކަންކަން ކުރިއަށްގެންދާނީ ޖަލްސާއަށް ހާޟިރުވާ މެމްބަރުންގެ މެދުގައި ނަގާ ކޮމެޓީއަކުން ކަމަށާއި އިތުރު މައުލޫމާތު ހޯދުމަށް 7390050 އަށް ގުޅުމަށް ވަނީ އެދިފައެވެ.

ވޯޓުގައި ރަޖިސްތްރީވުމަށް އީމެއިލް ކުރަން ޖެހެނީ admin@matato.org