އެމްޑީޕީގެ ޗެއަރޕާރސަން ފައްޔާޟު އިސްމާއިލް ވައްކަން ނުކުރައްވާނެކަމުގެ ފުރިހަމަ ޔަގީންކަން އެބައޮތްކަމުގައި އެމްޑީޕީގެ ކުރީގެ ރައީސް އަދި ފައްޔާޟުގެ ބޭބެ އިބްރާހިމް އިސްމާއިލް (އިބްރާ) ވިދާޅުވެއްޖެއެވެ.

އިބްރާ ސިޔާސީ ކަންކަމަކީ ގިނަފަހަރަށް ދެމީހުންގެ ހިޔާލު ވެސް އެއްގޮތްވާކަމެއް ނޫން ކަމަށާއި އެގޮތުން އޭނާއާއި ފައްޔާޟާ ވެސް ސިޔާސީގޮތުން ހިޔާޅު ތަފާތުވާ ކަމަށެވެ. އެހެންނަމަވެސް އޭނާ (ފައްޔާޟު) އަކީ ވައްކަން ކުރާނެ މީހެއް ނޫން ކަމުގެ ވަރަށްފުރިހަމަ ޔަގީންކަން އޮތްކަަމަށް ވިދާޅުވިއެވެ.

މީގެއިތުރުން ކުރީގެ އިކޮނޮމިކް މިނިސްޓަރު ފައްޔާޟު އާ ބެހޭގޮތުން އިބްރާ ވިދާޅުވީ ފައްޔާޟަކީ ހިޔާނާތްތެރިއަކަށް ވެސް ނުވާނެކަމުގެ ޔަގީންކަން އޮތް ކަމަށެވެ.

އެކްސްގައި ކުރެއްވި ޕޯސްޓެއްގައި އިބްރާ ވިދާޅުވީ އިންސާފުވެރި ޝަރީއަތަކުން ސާބިތުނުވާހައި ހިނދަކު އެކަމުގައި ފައްޔާޟު ދިފާއު ކުރައްވާނޭ ކަމަށެވެ.

އިބްރާ މިފަދައިން ވިދާޅުވެ، އެކްސްގައި ޕޯސްޓު ކުރައްވާފައި މިވަނީ މިސަރުކާރުން ފައްޔާޟުގެ މައްޗަށް ކަރަޕްޝަނާއި މިފަދަ އެތައް ކަމެއް ތުހުމަތުކޮށް މައްސަލަ ތަހުގީގު ކުރުމަށް މަސައްކަތް ކުރަމުންދާ ވަގުތެއްގައެވެ.