ވާރޭ ވެހުމުގެ ސަބަބުން މިނާގައި ފިނިކަން އިހްސާސް ކުރެވިއްޖެ ކަމުގައި އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.

'އެކްސް' ގައި ކުރެއްވި ޕޯސްޓެއްގައި އެމަނިކުފާނު ވިދާޅުވީ ވާރޭ ވެހުމުގެ ސަބަބަބުން މިނާ ގައި ވަނީ ފިނިކަން އިޙުސާސްވެފައި ކަމަށެވެ. އަދި ދިވެހި ހާޖީންގެ ޙާލު ރަނގަޅު ކަމަށެވެ.

މީގެއިތުރުން ހިލައުކުމަށްޓަކައި ދިވެހި ޙާޖީން މިހާރުތިބީ ޖަމްރާތަކާއި ގާތުގައި ކަަމަށް ވެސް އެ ޕޯސްޓުގައި ވަނީ ވިދާޅުވެފައެވެ.

ދިވެހި ހާޖީންގެ ޙާލު ރަނގަޅު. ވާރޭ ވެހުމުގެ ސަބަބަބުން މިނާ ގައި ވަނީ ފިނިކަން އިޙުސާސްވެފަ. ހިލައުކުމަށްޓަކައި ދިވެހި ޙާޖީން މިހާރު ވަނީ ޖަމްރާތަކާ ގާތުގަ. pic.twitter.com/bWCgEh03qr

— Mohamed Shaheem Ali Saeed (@Mohamedshaheem1) June 17, 2024

އެމަނިކުފާނު މިފަދައިން ވިދާޅުވެފައިވާއިރު، މިއަހަރުގެ ޙައްޖު މޫސުމުގައި ހޫނުގަދަވުމުގެ ސަބަބުން ޙައްޖާޖީންތަކެއް ވަނީ މަރު ވެސް ވެފައެވެ. އެގޮތުން އުރުދުން އާއި އީރާންގެ 19 މީހަކު މަރުވެފައިވާ ކަމަށް ރިޕޯޓުތައް ބުނެއެވެ.

އޭގެ ތެރެއިން ގިނަ ބަޔަކު މަރުވީ ގަދަ ހޫނުގައި ކުރިމަތިވި މައްސަލަތަކުގެ ސަބަބުން ކަމަށް ވެސް ރިޕޯޓުތައް ވަނީ ބުނެފައެވެ.

މިއަހަރު 1.8 މިލިޔަން މީހުން ޙައްޖުގެ އަޅުކަމުގައި ވަނީ ބައިވެރިވެފައެވެ.

ފައިބެއަހަރު ވެސް ހޫނު ގަދަވުމުގެ ސަބަބުން 240 މީހަކު ޙައްޖުގެ އަަޅުކަމުގެ ތެރޭގައި މަރުވެފައި ވެއެވެ.