ލައިސަންސް ނެތް މީހަކު ދުއްވި އުޅަނދެއް ފުލުހުން ޓޯ ކޮށްފިއެވެ.

ދިވެހި ފުލުހުންގެ ހިދުމަތުން ވިދާޅުވީ އެ އުޅަނދު ހުއްޓުވައި، ޗެކް ކޮށްފައިވަނީ ސިނަމާލެ ބްރިޖު އެއަރޕޯޓު ލައިޓާއި ހިސާބުން ކަމަށެވެ. އަދި އެ އުޅަނދު ހުއްޓުވައި، ޖެކް ކުރިއިރު، އެ އުޅަނދު ދުއްވި މީހާގެ އަތުގައި އެއްގަމު އުޅަނދު ދުއްވުމުގެ ލައިސަންސް ނެތް ކަމަށެވެ.

އެހެންކަމުން އެ އުޅަނދު ޓޯކޮށްފައިވާ ކަމަށް އެ އިދާރާ އިން ވިދާޅުވިއެވެ.

މި ފަހަކަށް އައިސް ފުލުހުން ގެންދަވަނީ އުޅަނދުތައް ހުއްޓުވައި، ޗެކްކުރުމުގެ މަސައްކަތް އިތުރަށްވުރެ ގިނަ ކުރައްވާފައެވެ.