3 months ago
ރާއްޖެއިން ބޭރުގައި ދިވެހީން ކުރާ ކައިވެނި މުއްދަތުގައި ރަޖިސްޓްރީ ނުކުރާނަމަ ޖޫރިމަނާ ކުރަން ނިންމައިފިއެވެ.
ރާއްޖޭގެ ފެމިލީ ކޯޓުން ނެރުނު ބަޔާނެއްގައި ވަނީ ގާނޫނުގައި ބުނެފައިވާ މުއްދަތުގެ ފަހުން ހުށަހަޅާ ފޯމުތައް ބަލައިގަންނާނީ ޖޫރިމަނާއާ އެކުގައި ކަމަށެވެ. އެގޮތުން 1000 ރުފިޔާގެ ޖޫރިމަނާއެއް ދައްކަންޖެހޭނެ ކަމަށް އެ ބަޔާނުގައި ވެއެވެ.
އާއިލާއާ ބެހޭ ގާނޫނުގައިވާގޮތުން ރާއްޖޭގެ ރަސްމީ އޮފީހެއް ހުރި ގައުމެއް ނަމަ މަދުވެގެން ދެ މަސް ދުވަސް ތެރޭގައި ރާއްޖޭގައި ކައިވެނި ރަޖިސްޓްރީކުރަން ޖެހޭނެއެވެ. އަދި އެފަދަ އޮފީހެއް ނެތް ގައުމެއްނަމަ މަދުވެގެން 6 މަސް ތެރޭގައި ރަޖިސްޓްރީކުރަން ހުށަހަޅަން ޖެހޭނެއެވެ.
އެ ކޯޓުގެ ބަޔާނުގައި އިތުރަށް ބުނީ ރާއްޖޭން ބޭރުގައި ދިވެއްސަކު ކުރާ ކައިވެންޏެއް ރަޖިސްޓްރީ ކުރުމަށް ކަނޑައެޅިފައިވާ ލިޔެކިޔުންތަކާއިއެކު ކޯޓަށް ހުށަހަޅައިފިނަމަ ރަސްމީ ތިން ދުވަހާއި 7 ދުވަހުގެ ތެރޭގައި އެ ކައިވެންޏެއް ރަޖިސްޓްރީ ކޮށްދޭނެ ކަމަށެވެ.
ރާއްޖެެއިން ބޭރުގައި ކުރާ ކާވެނި ރަޖިސްޓްރީ ކުރުމަށް ހުށަހެޅުން pic.twitter.com/3MeaY6zhfI
— Family Court of the Maldives (@FamilyCourtMv) July 16, 2024
ބޭރު ގައުމުތަކުގައި ކައިވެނިކުރުމަށްފަހު، ރާއްޖޭގައި އެ ކައިވެނި ރަޖިސްޓްރީ ނުކޮށް އުޅޭ މައްސަލަ މިހާރަކަށް އައިސް ރާއްޖޭގައި ފާހަގަކުރެވޭއިރު، މިގޮތަށް ކައިވެނިކުރަނީ ވަލީ ދޭން ދެކޮޅުހެދުމާއި ސިއްރުން ކައިވެނި ކުރުމެވެ. އަދި ދެއަންބަށް ކައިވެނި ކުރުމެވެ.