ކިޑްސް އިންޓަރސްކޫލު ސްވިމިންގ ފެސްޓިވަލް ފަށައިފިއެވެ.

ސްވިމިންގ އެސޯސިއޭޝަނުން ވިދާޅުވި މި ފެސްޓިވަލް ފަށާފައިވަނީ ޖުލައި 23 ވީ އަންގާރަ ދުވަހު ކަމަށެވެ. އަދި 23 ސްކޫލަކުން 485 ކުދިން ބައިވެރިވެފައިވާ ކަމަށެވެ.

މިއަހަރުގެ މުބާރާތް މުބާރާތް ކުރިއަށްދަނީ ބީއެމްއެލް 7 ވަނަ އިންޓަރސްކޫލް ކިޑްސް ސްވިމިންގ ފެސްޓިވަލުގެ ނަމުގައި ކަމަށް ވެސް ވިދާޅުވިއެވެ. އަދި މި މުބާރާތުގައި ތިން އުމުރުފުރާ ހިމެނޭ ކަމަށް ވެސް އެސޯސިއޭޝަނުން ވިދާޅުވިއެވެ.

އެގޮތުން އުމުުރުން 5 އަހަރާއި 6 އަހަރާއި ދެމެދާއި 7 އަހަރާއި 8 އަހަރާއި ދެމެދު ކަމަށް ވެސް ވިދާޅުވިއެވެ. އަދި 9 އަހަރާއި 10 އަހަރާއި ދެމެދު ވެސް ހިމެނެއެވެ. މި މުބާރާތް މި މަހުގެ 27 ގެ ނިޔަލަށް ކުރިއަށްދާނެއެވެ.