ގަވާއިދާ ހިލާފަށް އުޅުނު 4 ބިދޭސީން އިމިގްރޭޝަންގެ ބެލުމުގެދަށަށް ގެންގޮސްފިއެވެ.
އިމިގްރޭޝަނުން ވިދާޅުވީ މިއީ ގަވާއިދާ ހިލާފަށް ރާއްޖޭގައި އުޅެމުންދާ ބިދޭސީން ހޯދުމަށް ޓާސްކްފޯސް އިން ހިންގަމުންދާ އޮޕަރޭޝަންތަކުގައި ހޯދި މީހުން ކަމަށެވެ. އަދި އިއްޔެ ވަނީ ހުޅުމާލޭގައި ހިންގަމުންދާ 5 ކެފޭ/ޓޭކްއަވޭ އެއް ބަލައި ފާސްކޮށްފައި ކަމަށެވެ.
މި ތަންތަނުގައި ގަވާއިދާ ހިލާފަށް މަސައްކަތްކުރަމުންދިއަ 4 ބިދޭސީން އިމިގްރޭޝަންގެ ބެލުމުގެ ދަށަށް ގެނެވިފައިވާ ކަމަށް ހާމަކުރައްވައެވެ.
ރާއްޖޭގައި ގަވާއިދާ ހިލާފަށް އުޅެމުންއަންނަ ބިދޭސީންގެ މައްސަލަ ހައްލުކުރުމަށް އިމިގްރޭޝަނާއި ކަމާއިގުޅުންހުރި އިދާރާތަކުން އަންނަނީ މަސައްކަތްތަކެއް ކުރައްވަމުންނެވެ. އެ މަސައްކަތްތަކުގެ ދަށުން ބައެއް މީހުން ޑީޕޯޓުކޮށްލާފައިވެސް ވެއެވެ.
