އައްޑު ސިޓީ މީދޫ ޗަސްބިމުގައި ރޯވި އަލިފާން ނިއްވާލައިފިއެވެ.
އެމްއެންޑީއެފް އިން ވިދާޅުވީ އެ އިދާރާގެ ސަދަން އޭރިއާ ކޮމާންޑް، ހުޅުމީދޫ ފަޔަރ ސްޓޭޝަނުން މި އަލިފާން ނިއްވާލާފައިވަނީ މާރޗު 19 ވަނަ ދުވަހުގެރޭ 10:15 ގައި ކަމަށެވެ.
'އެކްސް' ކުރައްވާފައިވާ ޕޯސްޓެއްގައި އިތުރަށް ވިދާޅުވީ އަލިފާން ނިއްވުމުގައި މޯލްޑިވްސް ޕޮލިސް ސަރވިސް، ކައުންސިލް އިދާރާ އަދި އާންމު ރައްޔިތުންގެ އެހީތެރިކަން ލިބިފައިވާކަމަށެވެ.
އެސަަރަހައްދުގައި އަލިފާން ރޯވިކަމުގެ މައުލޫމާތު ލިބިފައިވަނީ މިއަދު ހެނދުނު 11:45 ހާއިރުއެވެ. އަދި އަލިފާން ނިއްވާލެވިފައި މިވަނީ ގާތްގަޑަކަށް 11 ގަޑިއިރަށްފަހުއެވެ.
އެސަރަހައްދަކީ މީގެކުރިން ވެސް އަލިފާނުގެ ހާދިސާތައް ހިނގާފައިވާ ތަނަކަށްވާއިރު، މިހާދިސާ ހިނގި ސަބަބު އަދިހާމަވާގޮތް ވަނީ ނުވެފައެވެ.
